Molave Ogis Farm Gisulong og Gisunog?

Kadaghanan kanato gibati og kalami sa Ogis Lechon manok. Proud kaayo tang mga taga Molave nga kita ang usa sa pinakadako nga gigikanan sa lechon manok sa tibook Pilipinas. Ang Ogis Lechon Manok nagdala sa ngalan nga " Tilawe Lang, Lamian Hangtud Pagkahurot" tinood kini. Dili lang ang kalami sa timpla sa lechon mao atong matagamtaman, ang kalami usab sa serbisyo sa atong mga tindiro og tindira sa nagka lain laing braches sa ogis lechon manok. Og tungod niini natabangan sa Ogis lechon manok ang kadaghanan sa atong mga kaigsoonan pinaagi sa trabaho sa Ogis Farm.

Pero subo kaayong palandungon nga bag o pa lamang gisulong og gisunog ang Ogis farm nga nahimutang diri sa Mabuhay, Molave Zamboanga del Sur sa mga wala na ilhing nga tawo nga mukabat sa 40 ka tawo kapin kung kulang. Mangutana kita, ngano kaha? Matod pa nila wala kono maka hatag og buhis!

Kalooy intawon sa atong mga kaigsoonan nga nag trabaho sa farm, nawad an na intawon og panginabuhi.Maayo nalang kay wala sila patya, pero sama ra nga gipatay ilang pamilya kay nawad an naman silag trabaho. Dako dako gyud ang damage nga maoy hinungdan nga dugay dugay pa maka operate of balik ang maong farm.